Нууцлалын бодлого

1. Бидний цуглуулдаг мэдээлэл

Таны өөрөө оруулдаг мэдээлэл. Нэр, и-мэйл хаяг, нууц үг, профайлын зураг, боловсрол, ажлын туршлага, ур чадвар, CV, нийтлэл, зурвас, ажлын байрны өргөдөл, компанийн мэдээлэл.

Нэвтрэлтээр ирдэг мэдээлэл. Google эсвэл Apple-аар нэвтэрвэл нэр, и-мэйл хаяг бидэнд дамжина. Apple-ын «Hide My Email»-ийг сонгосон бол бид зөвхөн Apple-ын үүсгэсэн дамжуулах хаягийг харна — таны жинхэнэ хаягийг хэзээ ч харахгүй.

Үйлчилгээ ажиллахад үүсдэг мэдээлэл. Сургалтын явц, шалгалтын оноо, мэдэгдэл хүргэх төхөөрөмжийн танигч (push token), аюулгүй байдлын болон админы үйлдлийн бүртгэл.

Таны зөвшөөрснөөр. Байршил — зөвхөн та товч дарж хүссэн үед, ойролцоох ажлын байрыг эрэмбэлэхэд. Өөр ямар ч мэдрэгч, микрофон, камерт Асулен ханддаггүй.

2. Юунд ашигладаг вэ

Бүртгэл үүсгэх, нэвтрүүлэх, профайлыг тань харуулах.

Оюутан, ажил олгогч хоёрыг холбох: ажлын байр санал болгох, өргөдөл дамжуулах, чат ба мэдэгдэл хүргэх.

Сургалт, шалгалтын явцыг хадгалж, үргэлжлүүлэх боломж олгох.

Хууль бус, залилан, доромжлолын үйлдлээс хамгаалах, гомдлыг шалгах.

Хуулиар шаардсан үүргээ биелүүлэх.

Бид таны мэдээллийг зар сурталчилгааны зорилгоор ашигладаггүй, зар сурталчилгааны сүлжээнд өгдөггүй, хэнд ч зардаггүй.

3. Хэн харах вэ

Таны сонголт. Профайлын харагдах байдлыг та өөрөө сонгоно: нээлттэй, зөвхөн холбогдсон хүмүүст, эсвэл хаалттай.

Ажил олгогч. Таны CV-г зөвхөн та тухайн ажлын байранд өргөдөл гаргасан, эсвэл профайлаа нээлттэй болгосон тохиолдолд харна. Хэн таны CV-г үзсэн нь бүртгэгддэг.

Үйлчилгээ үзүүлэгчид. Өгөгдөл хадгалалт, нэвтрэлт: Supabase. Вэб хостинг: Vercel. Мэдэгдэл хүргэлт: Expo. Төлбөрийн гүйлгээ: Bonum. Тэд зөвхөн бидний нэрийн өмнөөс, гэрээний хүрээнд боловсруулна. Бид карт, дансны дугаарыг хэзээ ч хадгалдаггүй.

Хууль сахиулах. Зөвхөн хууль ёсны шаардлагын дагуу.

4. Хадгалах хугацаа

Таны бүртгэл байх хугацаанд мэдээллийг хадгална.

Бүртгэлээ устгасны дараа профайл, CV, нийтлэл, өргөдөл, сургалтын явц устана.

Хэсэг мэдээлэл үлдэнэ: хоёр талтай зурвасын түүх (нөгөө хүний захидал ч мөн адил тэнд байгаа тул), аюулгүй байдлын бүртгэл, санхүүгийн хуулиар шаардагддаг төлбөрийн баримт. Эдгээр нь таны профайлтай холбоогүй болно.

5. Таны эрх

Харах ба засах. Профайл, CV, тохиргоогоо хэдийд ч өөрчилж болно.

Татаж авах. Тохиргоо → Бүртгэл хэсгээс өөрийн өгөгдлөө файлаар авна.

Устгах. Бүртгэлээ өөрөө устгах боломжтой — вэб дээр Тохиргоо → Бүртгэл, апп дээр Тохиргоо дэлгэцийн төгсгөлд. Устгал нэн даруй хийгдэж, буцаах боломжгүй.

Зөвшөөрөл татах. Байршил, микрофон, мэдэгдлийн зөвшөөрлийг төхөөрөмжийнхөө тохиргооноос хэдийд ч хаана.

6. Аюулгүй байдал

Мэдээлэл дамжих үедээ шифрлэгддэг (HTTPS).

Өгөгдлийн сангийн хүснэгт бүр мөр түвшний хандалтын хяналттай (row-level security): хэрэглэгч зөвхөн өөрт нь зөвшөөрөгдсөн мөрийг уншина.

Нууц үгийг бид харахгүй — нэвтрэлтийг Supabase Auth хариуцаж, зөвхөн hash хадгалагдана.

7. Хүүхдийн мэдээлэл

Asulen нь 16 ба түүнээс дээш насныханд зориулагдсан. 16-аас доош насны хүнээс мэдээлэл цуглуулахыг зорьдоггүй. Ийм бүртгэл илэрвэл устгана.

8. Мэдээлэл хилээр дамжих

Манай үйлчилгээ үзүүлэгчдийн сервер Монгол Улсаас гадна байрлаж болно. Ийм тохиолдолд ч энэхүү бодлогод заасан хамгаалалт хэвээр үйлчилнэ.

9. Энэ бодлогын өөрчлөлт

Бодлого өөрчлөгдвөл энэ хуудсан дээр шинэ огноо, хувилбарын дугаартайгаар нийтэлнэ. Томоохон өөрчлөлтийг апп эсвэл и-мэйлээр мэдэгдэнэ.

10. Холбоо барих

Хувийн мэдээлэлтэй холбоотой хүсэлт, гомдлыг privacy@asulen.com хаягаар хүлээн авна.